Shri Lalitha Sahasranama Stotram

ॐ ।। श्रीललितासहस्रनामस्तोत्रम् ।। ॐ

 

अस्य श्रीललितासहस्रनामस्तोत्रमाला मन्त्रस्य ।

वशिन्यादिवाग्देवता ऋषयः ।

अनुष्टुप् छन्दः ।

श्रीललितापरमेश्वरी देवता ।

श्रीमद्वाग्भवकूटेति बीजम् ।

मध्यकूटेति शक्तिः ।

शक्तिकूटेति कीलकम् ।

श्रीललितामहात्रिपुरसुन्दरी-प्रसादसिद्धिद्वारा

चिन्तितफलावाप्त्यर्थे जपे विनियोगः ।

     ॥ ध्यानम् ॥

सिन्दूरारुण विग्रहां त्रिनयनां माणिक्यमौलि स्फुरत्

तारा नायक शेखरां स्मितमुखी मापीन वक्षोरुहाम् ।

पाणिभ्यामलिपूर्ण रत्न चषकं रक्तोत्पलं बिभ्रतीं

सौम्यां रत्न घटस्थ रक्तचरणां ध्यायेत् परामम्बिकाम् ॥

अरुणां करुणा तरङ्गिताक्षीं, धृत पाशाङ्कुश पुष्प बाणचापाम् ।

अणिमादिभि रावृतां मयूखै-रहमित्येव विभावये भवानीम् ॥

ध्यायेत् पद्मासनस्थां विकसितवदनां पद्मपत्रायताक्षीं

हेमाभां पीतवस्त्रां करकलितलसद्धेमपद्मां वराङ्गीम् ।

सर्वालङ्कार युक्तां सतत मभयदां भक्तनम्रां भवानीं

श्रीविद्यां शान्त मूर्तिं सकल सुरनुतां सर्व सम्पत्प्रदात्रीम् ॥

सकुङ्कुम विलेपनामलिकचुम्बि कस्तूरिकां

समन्द हसितेक्षणां सशर चाप पाशाङ्कुशाम् ।

अशेषजन मोहिनीं अरुण माल्य भूषाम्बरां

जपाकुसुम भासुरां जपविधौ स्मरे दम्बिकाम् ॥

॥ अथ श्रीललितासहस्रनामस्तोत्रम् ॥

ॐ श्रीमाता श्रीमहाराज्ञी श्रीमत्-सिंहासनेश्वरी ।
चिदग्नि-कुण्ड-सम्भूता देवकार्य-समुद्यता ॥ १॥

उद्यद्भानु-सहस्राभा चतुर्बाहु-समन्विता ।
रागस्वरूप-पाशाढ्या क्रोधाकाराङ्कुशोज्ज्वला ॥ २॥

मनोरूपेक्षु-कोदण्डा पञ्चतन्मात्र-सायका ।
निजारुण-प्रभापूर-मज्जद्ब्रह्माण्ड-मण्डला ॥ ३॥

चम्पकाशोक-पुन्नाग-सौगन्धिक-लसत्कचा ।
कुरुविन्दमणि-श्रेणी-कनत्कोटीर-मण्डिता ॥ ४॥

अष्टमीचन्द्र-विभ्राज-दलिकस्थल-शोभिता ।
मुखचन्द्र-कलङ्काभ-मृगनाभि-विशेषका ॥ ५॥

वदनस्मर-माङ्गल्य-गृहतोरण-चिल्लिका ।
वक्त्रलक्ष्मी-परीवाह-चलन्मीनाभ-लोचना ॥ ६॥

नवचम्पक-पुष्पाभ-नासादण्ड-विराजिता ।
ताराकान्ति-तिरस्कारि-नासाभरण-भासुरा ॥ ७॥

कदम्बमञ्जरी-कॢप्त-कर्णपूर-मनोहरा ।
ताटङ्क-युगली-भूत-तपनोडुप-मण्डला ॥ ८॥

पद्मराग-शिलादर्श-परिभावि-कपोलभूः ।
नवविद्रुम-बिम्बश्री-न्यक्कारि-रदनच्छदा ॥ ९॥

शुद्ध-विद्याङ्कुराकार-द्विजपङ्क्ति-द्वयोज्ज्वला ।
कर्पूर-वीटिकामोद-समाकर्षि-दिगन्तरा ॥ १०॥

निज-सल्लाप-माधुर्य-विनिर्भर्त्सित-कच्छपी ।
मन्दस्मित-प्रभापूर-मज्जत्कामेश-मानसा ॥ ११॥

अनाकलित-सादृश्य-चिबुकश्री-विराजिता ।
कामेश-बद्ध-माङ्गल्य-सूत्र-शोभित-कन्धरा ॥ १२॥

कनकाङ्गद-केयूर-कमनीय-भुजान्विता ।
रत्नग्रैवेय-चिन्ताक-लोल-मुक्ता-फलान्विता ॥ १३॥

कामेश्वर-प्रेमरत्न-मणि-प्रतिपण-स्तनी ।
नाभ्यालवाल-रोमालि-लता-फल-कुचद्वयी ॥ १४॥

लक्ष्यरोम-लताधारता-समुन्नेय-मध्यमा ।
स्तनभार-दलन्मध्य-पट्टबन्ध-वलित्रया ॥ १५॥

अरुणारुण-कौसुम्भ-वस्त्र-भास्वत्-कटीतटी ।
रत्न-किङ्किणिका-रम्य-रशना-दाम-भूषिता ॥ १६॥

कामेश-ज्ञात-सौभाग्य-मार्दवोरु-द्वयान्विता ।
माणिक्य-मुकुटाकार-जानुद्वय-विराजिता ॥ १७॥

इन्द्रगोप-परिक्षिप्त-स्मरतूणाभ-जङ्घिका ।
गूढगुल्फा कूर्मपृष्ठ-जयिष्णु-प्रपदान्विता ॥ १८॥

नख-दीधिति-संछन्न-नमज्जन-तमोगुणा ।
पदद्वय-प्रभाजाल-पराकृत-सरोरुहा ॥ १९॥

सिञ्जान-मणिमञ्जीर-मण्डित-श्री-पदाम्बुजा ।
मराली-मन्दगमना महालावण्य-शेवधिः ॥ २०॥

सर्वारुणाऽनवद्याङ्गी सर्वाभरण-भूषिता ।
शिव-कामेश्वराङ्कस्था शिवा स्वाधीन-वल्लभा ॥ २१॥

सुमेरु-मध्य-शृङ्गस्था श्रीमन्नगर-नायिका ।
चिन्तामणि-गृहान्तस्था पञ्च-ब्रह्मासन-स्थिता ॥ २२॥

महापद्माटवी-संस्था कदम्बवन-वासिनी ।
सुधासागर-मध्यस्था कामाक्षी कामदायिनी ॥ २३॥

देवर्षि-गण-संघात-स्तूयमानात्म-वैभवा ।
भण्डासुर-वधोद्युक्त-शक्तिसेना-समन्विता ॥ २४॥

सम्पत्करी-समारूढ-सिन्धुर-व्रज-सेविता ।
अश्वारूढाधिष्ठिताश्व-कोटि-कोटिभिरावृता ॥ २५॥

चक्रराज-रथारूढ-सर्वायुध-परिष्कृता ।
गेयचक्र-रथारूढ-मन्त्रिणी-परिसेविता ॥ २६॥

किरिचक्र-रथारूढ-दण्डनाथा-पुरस्कृता ।
ज्वाला-मालिनिकाक्षिप्त-वह्निप्राकार-मध्यगा ॥ २७॥

भण्डसैन्य-वधोद्युक्त-शक्ति-विक्रम-हर्षिता ।
नित्या-पराक्रमाटोप-निरीक्षण-समुत्सुका ॥ २८॥

भण्डपुत्र-वधोद्युक्त-बाला-विक्रम-नन्दिता ।
मन्त्रिण्यम्बा-विरचित-विषङ्ग-वध-तोषिता ॥ २९॥

विशुक्र-प्राणहरण-वाराही-वीर्य-नन्दिता ।
कामेश्वर-मुखालोक-कल्पित-श्रीगणेश्वरा ॥ ३०॥

महागणेश-निर्भिन्न-विघ्नयन्त्र-प्रहर्षिता ।
भण्डासुरेन्द्र-निर्मुक्त-शस्त्र-प्रत्यस्त्र-वर्षिणी ॥ ३१॥

कराङ्गुलि-नखोत्पन्न-नारायण-दशाकृतिः ।
महा-पाशुपतास्त्राग्नि-निर्दग्धासुर-सैनिका ॥ ३२॥

कामेश्वरास्त्र-निर्दग्ध-सभण्डासुर-शून्यका ।
ब्रह्मोपेन्द्र-महेन्द्रादि-देव-संस्तुत-वैभवा ॥ ३३॥

हर-नेत्राग्नि-संदग्ध-काम-सञ्जीवनौषधिः ।
श्रीमद्वाग्भव-कूटैक-स्वरूप-मुख-पङ्कजा ॥ ३४॥

कण्ठाधः-कटि-पर्यन्त-मध्यकूट-स्वरूपिणी ।
शक्ति-कूटैकतापन्न-कट्यधोभाग-धारिणी ॥ ३५॥

मूल-मन्त्रात्मिका मूलकूटत्रय-कलेबरा ।
कुलामृतैक-रसिका कुलसंकेत-पालिनी ॥ ३६॥

कुलाङ्गना कुलान्तस्था कौलिनी कुलयोगिनी ।
अकुला समयान्तस्था समयाचार-तत्परा ॥ ३७॥

मूलाधारैक-निलया ब्रह्मग्रन्थि-विभेदिनी ।
मणि-पूरान्तरुदिता विष्णुग्रन्थि-विभेदिनी ॥ ३८॥

आज्ञा-चक्रान्तरालस्था रुद्रग्रन्थि-विभेदिनी ।
सहस्राराम्बुजारूढा सुधा-साराभिवर्षिणी ॥ ३९॥

तडिल्लता-समरुचिः षट्चक्रोपरि-संस्थिता ।
महासक्तिः कुण्डलिनी बिसतन्तु-तनीयसी ॥ ४०॥

भवानी भावनागम्या भवारण्य-कुठारिका ।
भद्रप्रिया भद्रमूर्तिर् भक्त-सौभाग्यदायिनी ॥ ४१॥

भक्तिप्रिया भक्तिगम्या भक्तिवश्या भयापहा ।
शाम्भवी शारदाराध्या शर्वाणी शर्मदायिनी ॥ ४२॥

शाङ्करी श्रीकरी साध्वी शरच्चन्द्र-निभानना ।
शातोदरी शान्तिमती निराधारा निरञ्जना ॥ ४३॥

निर्लेपा निर्मला नित्या निराकारा निराकुला ।
निर्गुणा निष्कला शान्ता निष्कामा निरुपप्लवा ॥ ४४॥

नित्यमुक्ता निर्विकारा निष्प्रपञ्चा निराश्रया ।
नित्यशुद्धा नित्यबुद्धा निरवद्या निरन्तरा ॥ ४५॥

निष्कारणा निष्कलङ्का निरुपाधिर् निरीश्वरा ।
नीरागा रागमथनी निर्मदा मदनाशिनी ॥ ४६॥

निश्चिन्ता निरहंकारा निर्मोहा मोहनाशिनी ।
निर्ममा ममताहन्त्री निष्पापा पापनाशिनी ॥ ४७॥

निष्क्रोधा क्रोधशमनी निर्लोभा लोभनाशिनी ।
निःसंशया संशयघ्नी निर्भवा भवनाशिनी ॥ ४८॥

निर्विकल्पा निराबाधा निर्भेदा भेदनाशिनी ।
निर्नाशा मृत्युमथनी निष्क्रिया निष्परिग्रहा ॥ ४९॥

निस्तुला नीलचिकुरा निरपाया निरत्यया ।
दुर्लभा दुर्गमा दुर्गा दुःखहन्त्री सुखप्रदा ॥ ५०॥

दुष्टदूरा दुराचार-शमनी दोषवर्जिता ।
सर्वज्ञा सान्द्रकरुणा समानाधिक-वर्जिता ॥ ५१॥

सर्वशक्तिमयी सर्व-मङ्गला सद्गतिप्रदा ।
सर्वेश्वरी सर्वमयी सर्वमन्त्र-स्वरूपिणी ॥ ५२॥

सर्व-यन्त्रात्मिका सर्व-तन्त्ररूपा मनोन्मनी ।
माहेश्वरी महादेवी महालक्ष्मीर् मृडप्रिया ॥ ५३॥

महारूपा महापूज्या महापातक-नाशिनी ।
महामाया महासत्त्वा महाशक्तिर् महारतिः ॥ ५४॥

महाभोगा महैश्वर्या महावीर्या महाबला ।
महाबुद्धिर् महासिद्धिर् महायोगेश्वरेश्वरी ॥ ५५॥

महातन्त्रा महामन्त्रा महायन्त्रा महासना ।
महायाग-क्रमाराध्या महाभैरव-पूजिता ॥ ५६॥

महेश्वर-महाकल्प-महाताण्डव-साक्षिणी ।
महाकामेश-महिषी महात्रिपुर-सुन्दरी ॥ ५७॥

चतुःषष्ट्युपचाराढ्या चतुःषष्टिकलामयी ।
महाचतुः-षष्टिकोटि-योगिनी-गणसेविता ॥ ५८॥

मनुविद्या चन्द्रविद्या चन्द्रमण्डल-मध्यगा ।
चारुरूपा चारुहासा चारुचन्द्र-कलाधरा ॥ ५९॥

चराचर-जगन्नाथा चक्रराज-निकेतना ।
पार्वती पद्मनयना पद्मराग-समप्रभा ॥ ६०॥

पञ्च-प्रेतासनासीना पञ्चब्रह्म-स्वरूपिणी ।
चिन्मयी परमानन्दा विज्ञान-घनरूपिणी ॥ ६१॥

ध्यान-ध्यातृ-ध्येयरूपा धर्माधर्म-विवर्जिता ।
विश्वरूपा जागरिणी स्वपन्ती तैजसात्मिका ॥ ६२॥

सुप्ता प्राज्ञात्मिका तुर्या सर्वावस्था-विवर्जिता ।
सृष्टिकर्त्री ब्रह्मरूपा गोप्त्री गोविन्दरूपिणी ॥ ६३॥

संहारिणी रुद्ररूपा तिरोधान-करीश्वरी ।
सदाशिवाऽनुग्रहदा पञ्चकृत्य-परायणा ॥ ६४॥

भानुमण्डल-मध्यस्था भैरवी भगमालिनी ।
पद्मासना भगवती पद्मनाभ-सहोदरी ॥ ६५॥

उन्मेष-निमिषोत्पन्न-विपन्न-भुवनावली ।
सहस्र-शीर्षवदना सहस्राक्षी सहस्रपात् ॥ ६६॥

आब्रह्म-कीट-जननी वर्णाश्रम-विधायिनी ।
निजाज्ञारूप-निगमा पुण्यापुण्य-फलप्रदा ॥ ६७॥

श्रुति-सीमन्त-सिन्दूरी-कृत-पादाब्ज-धूलिका ।
सकलागम-सन्दोह-शुक्ति-सम्पुट-मौक्तिका ॥ ६८॥

पुरुषार्थप्रदा पूर्णा भोगिनी भुवनेश्वरी ।
अम्बिकाऽनादि-निधना हरिब्रह्मेन्द्र-सेविता ॥ ६९॥

नारायणी नादरूपा नामरूप-विवर्जिता ।
ह्रींकारी ह्रीमती हृद्या हेयोपादेय-वर्जिता ॥ ७०॥

राजराजार्चिता राज्ञी रम्या राजीवलोचना ।
रञ्जनी रमणी रस्या रणत्किङ्किणि-मेखला ॥ ७१॥

रमा राकेन्दुवदना रतिरूपा रतिप्रिया ।
रक्षाकरी राक्षसघ्नी रामा रमणलम्पटा ॥ ७२॥

काम्या कामकलारूपा कदम्ब-कुसुम-प्रिया ।
कल्याणी जगतीकन्दा करुणा-रस-सागरा ॥ ७३॥

कलावती कलालापा कान्ता कादम्बरीप्रिया ।
वरदा वामनयना वारुणी-मद-विह्वला ॥ ७४॥

विश्वाधिका वेदवेद्या विन्ध्याचल-निवासिनी ।
विधात्री वेदजननी विष्णुमाया विलासिनी ॥ ७५॥

क्षेत्रस्वरूपा क्षेत्रेशी क्षेत्र-क्षेत्रज्ञ-पालिनी ।
क्षयवृद्धि-विनिर्मुक्ता क्षेत्रपाल-समर्चिता ॥ ७६॥

विजया विमला वन्द्या वन्दारु-जन-वत्सला ।
वाग्वादिनी वामकेशी वह्निमण्डल-वासिनी ॥ ७७॥

भक्तिमत्-कल्पलतिका पशुपाश-विमोचिनी ।
संहृताशेष-पाषण्डा सदाचार-प्रवर्तिका ॥ ७८॥

तापत्रयाग्नि-सन्तप्त-समाह्लादन-चन्द्रिका ।
तरुणी तापसाराध्या तनुमध्या तमोऽपहा ॥ ७९॥

चितिस्तत्पद-लक्ष्यार्था चिदेकरस-रूपिणी ।
स्वात्मानन्द-लवीभूत-ब्रह्माद्यानन्द-सन्ततिः ॥ ८०॥

परा प्रत्यक्चितीरूपा पश्यन्ती परदेवता ।
मध्यमा वैखरीरूपा भक्त-मानस-हंसिका ॥ ८१॥

कामेश्वर-प्राणनाडी कृतज्ञा कामपूजिता ।
शृङ्गार-रस-सम्पूर्णा जया जालन्धर-स्थिता ॥ ८२॥

ओड्याणपीठ-निलया बिन्दु-मण्डलवासिनी ।
रहोयाग-क्रमाराध्या रहस्तर्पण-तर्पिता ॥ ८३॥

सद्यःप्रसादिनी विश्व-साक्षिणी साक्षिवर्जिता ।
षडङ्गदेवता-युक्ता षाड्गुण्य-परिपूरिता ॥ ८४॥

नित्यक्लिन्ना निरुपमा निर्वाण-सुख-दायिनी ।
नित्या-षोडशिका-रूपा श्रीकण्ठार्ध-शरीरिणी ॥ ८५॥

प्रभावती प्रभारूपा प्रसिद्धा परमेश्वरी ।
मूलप्रकृतिर् अव्यक्ता व्यक्ताव्यक्त-स्वरूपिणी ॥ ८६॥

व्यापिनी विविधाकारा विद्याविद्या-स्वरूपिणी ।
महाकामेश-नयन-कुमुदाह्लाद-कौमुदी ॥ ८७॥

भक्त-हार्द-तमोभेद-भानुमद्भानु-सन्ततिः ।
शिवदूती शिवाराध्या शिवमूर्तिः शिवङ्करी ॥ ८८॥

शिवप्रिया शिवपरा शिष्टेष्टा शिष्टपूजिता ।
अप्रमेया स्वप्रकाशा मनोवाचामगोचरा ॥ ८९॥

चिच्छक्तिश् चेतनारूपा जडशक्तिर् जडात्मिका ।
गायत्री व्याहृतिः सन्ध्या द्विजबृन्द-निषेविता ॥ ९०॥

तत्त्वासना तत्त्वमयी पञ्च-कोशान्तर-स्थिता ।
निःसीम-महिमा नित्य-यौवना मदशालिनी ॥ ९१॥

मदघूर्णित-रक्ताक्षी मदपाटल-गण्डभूः ।
चन्दन-द्रव-दिग्धाङ्गी चाम्पेय-कुसुम-प्रिया ॥ ९२॥

कुशला कोमलाकारा कुरुकुल्ला कुलेश्वरी ।
कुलकुण्डालया कौल-मार्ग-तत्पर-सेविता ॥ ९३॥

कुमार-गणनाथाम्बा तुष्टिः पुष्टिर् मतिर् धृतिः ।
शान्तिः स्वस्तिमती कान्तिर् नन्दिनी विघ्ननाशिनी ॥ ९४॥

तेजोवती त्रिनयना लोलाक्षी-कामरूपिणी ।
मालिनी हंसिनी माता मलयाचल-वासिनी ॥ ९५॥

सुमुखी नलिनी सुभ्रूः शोभना सुरनायिका ।
कालकण्ठी कान्तिमती क्षोभिणी सूक्ष्मरूपिणी ॥ ९६॥

वज्रेश्वरी वामदेवी वयोऽवस्था-विवर्जिता ।
सिद्धेश्वरी सिद्धविद्या सिद्धमाता यशस्विनी ॥ ९७॥

विशुद्धिचक्र-निलयाऽऽरक्तवर्णा त्रिलोचना ।
खट्वाङ्गादि-प्रहरणा वदनैक-समन्विता ॥ ९८॥

पायसान्नप्रिया त्वक्स्था पशुलोक-भयङ्करी ।
अमृतादि-महाशक्ति-संवृता डाकिनीश्वरी ॥ ९९॥

अनाहताब्ज-निलया श्यामाभा वदनद्वया ।
दंष्ट्रोज्ज्वलाऽक्ष-मालादि-धरा रुधिरसंस्थिता ॥ १००॥

कालरात्र्यादि-शक्त्यौघ-वृता स्निग्धौदनप्रिया ।
महावीरेन्द्र-वरदा राकिण्यम्बा-स्वरूपिणी ॥ १०१॥

मणिपूराब्ज-निलया वदनत्रय-संयुता ।
वज्रादिकायुधोपेता डामर्यादिभिरावृता ॥ १०२॥

रक्तवर्णा मांसनिष्ठा गुडान्न-प्रीत-मानसा ।
समस्तभक्त-सुखदा लाकिन्यम्बा-स्वरूपिणी ॥ १०३॥

स्वाधिष्ठानाम्बुज-गता चतुर्वक्त्र-मनोहरा ।
शूलाद्यायुध-सम्पन्ना पीतवर्णाऽतिगर्विता ॥ १०४॥

मेदोनिष्ठा मधुप्रीता बन्धिन्यादि-समन्विता ।
दध्यन्नासक्त-हृदया काकिनी-रूप-धारिणी ॥ १०५॥

मूलाधाराम्बुजारूढा पञ्च-वक्त्राऽस्थि-संस्थिता ।
अङ्कुशादि-प्रहरणा वरदादि-निषेविता ॥ १०६॥

मुद्गौदनासक्त-चित्ता साकिन्यम्बा-स्वरूपिणी ।
आज्ञा-चक्राब्ज-निलया शुक्लवर्णा षडानना ॥ १०७॥

मज्जासंस्था हंसवती-मुख्य-शक्ति-समन्विता ।
हरिद्रान्नैक-रसिका हाकिनी-रूप-धारिणी ॥ १०८॥

सहस्रदल-पद्मस्था सर्व-वर्णोप-शोभिता ।
सर्वायुधधरा शुक्ल-संस्थिता सर्वतोमुखी ॥ १०९॥

सर्वौदन-प्रीतचित्ता याकिन्यम्बा-स्वरूपिणी ।
स्वाहा स्वधाऽमतिर् मेधा श्रुतिः स्मृतिर् अनुत्तमा ॥ ११०॥

पुण्यकीर्तिः पुण्यलभ्या पुण्यश्रवण-कीर्तना ।
पुलोमजार्चिता बन्ध-मोचनी बन्धुरालका ॥ १११॥

विमर्शरूपिणी विद्या वियदादि-जगत्प्रसूः ।
सर्वव्याधि-प्रशमनी सर्वमृत्यु-निवारिणी ॥ ११२॥

अग्रगण्याऽचिन्त्यरूपा कलिकल्मष-नाशिनी ।
कात्यायनी कालहन्त्री कमलाक्ष-निषेविता ॥ ११३॥

ताम्बूल-पूरित-मुखी दाडिमी-कुसुम-प्रभा ।
मृगाक्षी मोहिनी मुख्या मृडानी मित्ररूपिणी ॥ ११४॥

नित्यतृप्ता भक्तनिधिर् नियन्त्री निखिलेश्वरी ।
मैत्र्यादि-वासनालभ्या महाप्रलय-साक्षिणी ॥ ११५॥

परा शक्तिः परा निष्ठा प्रज्ञानघन-रूपिणी ।
माध्वीपानालसा मत्ता मातृका-वर्ण-रूपिणी ॥ ११६॥

महाकैलास-निलया मृणाल-मृदु-दोर्लता ।
महनीया दयामूर्तिर् महासाम्राज्य-शालिनी ॥ ११७॥

आत्मविद्या महाविद्या श्रीविद्या कामसेविता ।
श्री-षोडशाक्षरी-विद्या त्रिकूटा कामकोटिका ॥ ११८॥

कटाक्ष-किङ्करी-भूत-कमला-कोटि-सेविता ।
शिरःस्थिता चन्द्रनिभा भालस्थेन्द्र-धनुःप्रभा ॥ ११९॥

हृदयस्था रविप्रख्या त्रिकोणान्तर-दीपिका ।
दाक्षायणी दैत्यहन्त्री दक्षयज्ञ-विनाशिनी ॥ १२०॥

दरान्दोलित-दीर्घाक्षी दर-हासोज्ज्वलन्-मुखी ।
गुरुमूर्तिर् गुणनिधिर् गोमाता गुहजन्मभूः ॥ १२१॥

देवेशी दण्डनीतिस्था दहराकाश-रूपिणी ।
प्रतिपन्मुख्य-राकान्त-तिथि-मण्डल-पूजिता ॥ १२२॥

कलात्मिका कलानाथा काव्यालाप-विनोदिनी ।
सचामर-रमा-वाणी-सव्य-दक्षिण-सेविता ॥ १२३॥

आदिशक्तिर् अमेयाऽऽत्मा परमा पावनाकृतिः ।
अनेककोटि-ब्रह्माण्ड-जननी दिव्यविग्रहा ॥ १२४॥

क्लींकारी केवला गुह्या कैवल्य-पददायिनी ।
त्रिपुरा त्रिजगद्वन्द्या त्रिमूर्तिस् त्रिदशेश्वरी ॥ १२५॥

त्र्यक्षरी दिव्य-गन्धाढ्या सिन्दूर-तिलकाञ्चिता ।
उमा शैलेन्द्रतनया गौरी गन्धर्व-सेविता ॥ १२६॥

विश्वगर्भा स्वर्णगर्भाऽवरदा वागधीश्वरी ।
ध्यानगम्याऽपरिच्छेद्या ज्ञानदा ज्ञानविग्रहा ॥ १२७॥

सर्ववेदान्त-संवेद्या सत्यानन्द-स्वरूपिणी ।
लोपामुद्रार्चिता लीला-कॢप्त-ब्रह्माण्ड-मण्डला ॥ १२८॥

अदृश्या दृश्यरहिता विज्ञात्री वेद्यवर्जिता ।
योगिनी योगदा योग्या योगानन्दा युगन्धरा ॥ १२९॥

इच्छाशक्ति-ज्ञानशक्ति-क्रियाशक्ति-स्वरूपिणी ।
सर्वाधारा सुप्रतिष्ठा सदसद्रूप-धारिणी ॥ १३०॥

अष्टमूर्तिर् अजाजैत्री लोकयात्रा-विधायिनी ।
एकाकिनी भूमरूपा निर्द्वैता द्वैतवर्जिता ॥ १३१॥

अन्नदा वसुदा वृद्धा ब्रह्मात्मैक्य-स्वरूपिणी ।
बृहती ब्राह्मणी ब्राह्मी ब्रह्मानन्दा बलिप्रिया ॥ १३२॥

भाषारूपा बृहत्सेना भावाभाव-विवर्जिता ।
सुखाराध्या शुभकरी शोभना सुलभा गतिः ॥ १३३॥

राज-राजेश्वरी राज्य-दायिनी राज्य-वल्लभा ।
राजत्कृपा राजपीठ-निवेशित-निजाश्रिता ॥ १३४॥

राज्यलक्ष्मीः कोशनाथा चतुरङ्ग-बलेश्वरी ।
साम्राज्य-दायिनी सत्यसन्धा सागरमेखला ॥ १३५॥

दीक्षिता दैत्यशमनी सर्वलोक-वशङ्करी ।
सर्वार्थदात्री सावित्री सच्चिदानन्द-रूपिणी ॥ १३६॥

देश-कालापरिच्छिन्ना सर्वगा सर्वमोहिनी ।
सरस्वती शास्त्रमयी गुहाम्बा गुह्यरूपिणी ॥ १३७॥

सर्वोपाधि-विनिर्मुक्ता सदाशिव-पतिव्रता ।
सम्प्रदायेश्वरी साध्वी गुरुमण्डल-रूपिणी ॥ १३८॥

कुलोत्तीर्णा भगाराध्या माया मधुमती मही ।
गणाम्बा गुह्यकाराध्या कोमलाङ्गी गुरुप्रिया ॥ १३९॥

स्वतन्त्रा सर्वतन्त्रेशी दक्षिणामूर्ति-रूपिणी ।
सनकादि-समाराध्या शिवज्ञान-प्रदायिनी ॥ १४०॥

चित्कलाऽऽनन्द-कलिका प्रेमरूपा प्रियङ्करी ।
नामपारायण-प्रीता नन्दिविद्या नटेश्वरी ॥ १४१॥

मिथ्या-जगदधिष्ठाना मुक्तिदा मुक्तिरूपिणी ।
लास्यप्रिया लयकरी लज्जा रम्भादिवन्दिता ॥ १४२॥

भवदाव-सुधावृष्टिः पापारण्य-दवानला ।
दौर्भाग्य-तूलवातूला जराध्वान्त-रविप्रभा ॥ १४३॥

भाग्याब्धि-चन्द्रिका भक्त-चित्तकेकि-घनाघना ।
रोगपर्वत-दम्भोलिर् मृत्युदारु-कुठारिका ॥ १४४॥

महेश्वरी महाकाली महाग्रासा महाशना ।
अपर्णा चण्डिका चण्डमुण्डासुर-निषूदिनी ॥ १४५॥

क्षराक्षरात्मिका सर्व-लोकेशी विश्वधारिणी ।
त्रिवर्गदात्री सुभगा त्र्यम्बका त्रिगुणात्मिका ॥ १४६॥

स्वर्गापवर्गदा शुद्धा जपापुष्प-निभाकृतिः ।
ओजोवती द्युतिधरा यज्ञरूपा प्रियव्रता ॥ १४७॥

दुराराध्या दुराधर्षा पाटली-कुसुम-प्रिया ।
महती मेरुनिलया मन्दार-कुसुम-प्रिया ॥ १४८॥

वीराराध्या विराड्रूपा विरजा विश्वतोमुखी ।
प्रत्यग्रूपा पराकाशा प्राणदा प्राणरूपिणी ॥ १४९॥

मार्ताण्ड-भैरवाराध्या मन्त्रिणीन्यस्त-राज्यधूः ।
त्रिपुरेशी जयत्सेना निस्त्रैगुण्या परापरा ॥ १५०॥

सत्य-ज्ञानानन्द-रूपा सामरस्य-परायणा ।
कपर्दिनी कलामाला कामधुक् कामरूपिणी ॥ १५१॥

कलानिधिः काव्यकला रसज्ञा रसशेवधिः ।
पुष्टा पुरातना पूज्या पुष्करा पुष्करेक्षणा ॥ १५२॥

परंज्योतिः परंधाम परमाणुः परात्परा ।
पाशहस्ता पाशहन्त्री परमन्त्र-विभेदिनी ॥ १५३॥

मूर्ताऽमूर्ताऽनित्यतृप्ता मुनिमानस-हंसिका ।
सत्यव्रता सत्यरूपा सर्वान्तर्यामिनी सती ॥ १५४॥

ब्रह्माणी ब्रह्मजननी बहुरूपा बुधार्चिता ।
प्रसवित्री प्रचण्डाऽऽज्ञा प्रतिष्ठा प्रकटाकृतिः ॥ १५५॥

प्राणेश्वरी प्राणदात्री पञ्चाशत्पीठ-रूपिणी ।
विशृङ्खला विविक्तस्था वीरमाता वियत्प्रसूः ॥ १५६॥

मुकुन्दा मुक्तिनिलया मूलविग्रह-रूपिणी ।
भावज्ञा भवरोगघ्नी भवचक्र-प्रवर्तिनी ॥ १५७॥

छन्दःसारा शास्त्रसारा मन्त्रसारा तलोदरी ।
उदारकीर्तिर् उद्दामवैभवा वर्णरूपिणी ॥ १५८॥

जन्ममृत्यु-जरातप्त-जनविश्रान्ति-दायिनी ।
सर्वोपनिष-दुद्-घुष्टा शान्त्यतीत-कलात्मिका ॥ १५९॥

गम्भीरा गगनान्तस्था गर्विता गानलोलुपा ।
कल्पना-रहिता काष्ठाऽकान्ता कान्तार्ध-विग्रहा ॥ १६०॥

कार्यकारण-निर्मुक्ता कामकेलि-तरङ्गिता ।
कनत्कनकता-टङ्का लीला-विग्रह-धारिणी ॥ १६१॥

अजा क्षयविनिर्मुक्ता मुग्धा क्षिप्र-प्रसादिनी ।
अन्तर्मुख-समाराध्या बहिर्मुख-सुदुर्लभा ॥ १६२॥

त्रयी त्रिवर्गनिलया त्रिस्था त्रिपुरमालिनी ।
निरामया निरालम्बा स्वात्मारामा सुधासृतिः ॥ १६३॥

संसारपङ्क-निर्मग्न-समुद्धरण-पण्डिता ।
यज्ञप्रिया यज्ञकर्त्री यजमान-स्वरूपिणी ॥ १६४॥

धर्माधारा धनाध्यक्षा धनधान्य-विवर्धिनी ।
विप्रप्रिया विप्ररूपा विश्वभ्रमण-कारिणी ॥ १६५॥

विश्वग्रासा विद्रुमाभा वैष्णवी विष्णुरूपिणी ।
अयोनिर् योनिनिलया कूटस्था कुलरूपिणी ॥ १६६॥

वीरगोष्ठीप्रिया वीरा नैष्कर्म्या नादरूपिणी ।
विज्ञानकलना कल्या विदग्धा बैन्दवासना ॥ १६७॥

तत्त्वाधिका तत्त्वमयी तत्त्वमर्थ-स्वरूपिणी ।
सामगानप्रिया सौम्या सदाशिव-कुटुम्बिनी ॥ १६८॥

सव्यापसव्य-मार्गस्था सर्वापद्विनिवारिणी ।
स्वस्था स्वभावमधुरा धीरा धीरसमर्चिता ॥ १६९॥

चैतन्यार्घ्य-समाराध्या चैतन्य-कुसुमप्रिया ।
सदोदिता सदातुष्टा तरुणादित्य-पाटला ॥ १७०॥

दक्षिणा-दक्षिणाराध्या दरस्मेर-मुखाम्बुजा ।
कौलिनी-केवलाऽनर्घ्य-कैवल्य-पददायिनी ॥ १७१॥

स्तोत्रप्रिया स्तुतिमती श्रुति-संस्तुत-वैभवा ।
मनस्विनी मानवती महेशी मङ्गलाकृतिः ॥ १७२॥

विश्वमाता जगद्धात्री विशालाक्षी विरागिणी ।
प्रगल्भा परमोदारा परामोदा मनोमयी ॥ १७३॥

व्योमकेशी विमानस्था वज्रिणी वामकेश्वरी ।
पञ्चयज्ञ-प्रिया पञ्च-प्रेत-मञ्चाधिशायिनी ॥ १७४॥

पञ्चमी पञ्चभूतेशी पञ्च-संख्योपचारिणी ।
शाश्वती शाश्वतैश्वर्या शर्मदा शम्भुमोहिनी ॥ १७५॥

धरा धरसुता धन्या धर्मिणी धर्मवर्धिनी ।
लोकातीता गुणातीता सर्वातीता शमात्मिका ॥ १७६॥

बन्धूक-कुसुमप्रख्या बाला लीलाविनोदिनी ।
सुमङ्गली सुखकरी सुवेषाढ्या सुवासिनी ॥ १७७॥

सुवासिन्यर्चन-प्रीताऽऽशोभना शुद्धमानसा ।
बिन्दु-तर्पण-सन्तुष्टा पूर्वजा त्रिपुराम्बिका ॥ १७८॥

दशमुद्रा-समाराध्या त्रिपुराश्री-वशङ्करी ।
ज्ञानमुद्रा ज्ञानगम्या ज्ञानज्ञेय-स्वरूपिणी ॥ १७९॥

योनिमुद्रा त्रिखण्डेशी त्रिगुणाम्बा त्रिकोणगा ।
अनघाऽद्भुत-चारित्रा वाञ्छितार्थ-प्रदायिनी ॥ १८०॥

अभ्यासातिशय-ज्ञाता षडध्वातीत-रूपिणी ।
अव्याज-करुणा-मूर्तिर् अज्ञान-ध्वान्त-दीपिका ॥ १८१॥

आबाल-गोप-विदिता सर्वानुल्लङ्घ्य-शासना ।
श्रीचक्रराज-निलया श्रीमत्-त्रिपुरसुन्दरी ॥ १८२॥

श्रीशिवा शिव-शक्त्यैक्य-रूपिणी ललिताम्बिका ।
एवं श्रीललिता देव्या नाम्नां साहस्रकं जगुः ॥

॥ इति श्रीब्रह्माण्डपुराणे उत्तरखण्डे श्रीहयग्रीवागस्त्यसंवादे

श्रीललिता सहस्रनाम स्तोत्र कथनं सम्पूर्णम् ॥

Shree Lalita Sahasranam Stotram

Asya Sri Lalita Sahasranamastotra Maha Mantrasya

Vasinyadivagdevatarsayah
Anustup Chandah
Srilalita Paramesvari Devata
Srimadvagbhavakuteti Bijam
Madhyakuteti Saktih
Saktikuteti Kilakam
Sri Lalita Maha Tripurasundari prasadasiddhidvara
Cintitaphalavaptyarthe Jape Viniyogah

Dhyanam

Sindhuraruna vigraham trinayanam manikya mouli spurath
Thara Nayaga sekaram smitha mukhi mapina vakshoruham,
Panibhayam alipoorna ratna chashakam rakthothpalam vibhrathim,
Soumyam ratna gatastha raktha charanam, dhyayeth paramambikam.

Arunam Karuna Tarangitaksim Dhrta Pasankusa Puspa banacapam
Animadibhiravrtam Mayukhairahamityeva Vibhavaye bhavanim

Dyayeth padmasanastham vikasitha vadanam padma pathrayathakshim,
Hemabham peethavasthram karakalitha-lasadhema padmam varangim,
Sarvalangara yuktham sathatham abhayadam bhaktha namram bhavanim.
Srividyam santhamuthim sakala suranutham sarva sampat pradhatrim.

Sakunkumavilepanamalikacumbikasturikam
Samandahasiteksanam Sasaracapapasankusam
Asesajanamohinim arunamalyabhusambaram
Japakusumabhasuram japavidhau smaredambikam

Ath Shri Lalitha Sahasranamam Stotram

Om Srimatha Sri Maharajni Sri Math Simasaneshwari
Chidagni Kunda Sambootha Deva Karya Samudhyatha .1.

Udyath Bhanu Sahasrabha Chadur Bahu Samanvidha
Ragha Swaroopa Pasadya Krodhakarankusojwala .2.

Mano Rupeshu Kodanda Pancha than mathra sayaka
Nijaruna prabha poora majjath brahmanda mandala .3.

Champakasoka – punnaga-sowgandhika-lasath kacha
Kuru vinda mani – sreni-kanath kotira manditha .4.

Ashtami Chandra vibhraja – dhalika sthala shobhitha
Muka Chandra kalankabha mriganabhi viseshaka .5.

Vadana smara mangalya griha thorana chillaka
Vakthra lakshmi –parivaha-chalan meenabha lochana .6.

Nava champaka –pushpabha-nasa dhanda virajitha
Thara kanthi thiraskari nasabharana bhasura .7.

Kadambha manjari kluptha karna poora manohara
Thadanga yugali bhootha thapanodupa mandala .8.

Padma raga sila darsha paribhavika polabhu
Nava vidhruma bimbha sri nyakkari rathna chhadha .9.

Shuddha vidyangurakara dwija pangthi dwayojjala
Karpoora Veedi Kamodha Samakarsha digandara .10.

Nija Sallabha Madhurya Vinirbhardista Kacchabhi
Mandasmitha prabha poora majjat Kamesha manasa .11.

Anakalidha Sadrushya Chibuka sri virajitha
Kamesha baddha mangalya sutra shobitha kandhara .12.

Kankangadha Keyura Kamaniya Bujanvidha
Rathna graiveya chinthaka lola muktha phalanvitha .13.

Kameswara prema rathna mani prathi pana sthani
Nabhyala vala Romali latha phala kucha dwayi .14.

Lakshya Roma Latha Dharatha Samunneya Madhyama
Sthana bhara dalan Madhya patta bhandha valithraya .15.

Arunaruna kausumba vasthra bhaswat kati thati
Rathna kinkinika ramya rasana dhama bhooshitha .16.

Kamesha gnatha sowbhagya mardworu dwayanvitha
Manikhya mukuta kara janu dwaya virajitha .17.

Indra kopa parikshiptha smarathunabha jangika
Kooda Gulpha Koorma prashta jayishnu prapadanvidha .18.

Nakadhi dhithi samchanna namajjana thamoguna
Pada dwaya Prabha jala parakrutha saroruha .19.

Sinchana mani manjira manditha sri pamambuja
Marali Mandha Gamana Maha Lavanya Sewadhi .20.

Sarvaruna Anavadhyangi Srvabharana Bhooshita
Shivakameswarangastha Shiva Swadheena Vallabha .21.

Summeru Madhya sringastha Sriman nagara nayika
Chinthamani grihanthastha Pancha brahmasana sthitha .22.

Maha padma davi samstha Kadambha vana vasini
Sudha sagara madhyastha Kamakshi Kamadhayini .23.

Devarshi Gana-sangatha-stuyamanathma-vaibhava
Bhandasura vadodyuktha shakthi sena samavitha .24.

Sampathkari samarooda sindhoora vrija sevitha
Aswaroodadishidaswa kodi kodi biravrutha .25.

Chakra raja ratha rooda sarvayudha parishkridha
Geya chakra ratha rooda manthrini pari sevitha .26.

Giri chakra ratharooda dhanda natha puraskrutha
Jwalimalika ksiptha vanhi prakara madhyaka .27.

Bhanda sainya vadodyuktha shakthi vikrama harshitha
Nithya parakamatopa nireekshana samutsuka .28.

Banda puthra vadodyuktha bala vikrama nandhita
Manthrinyamba virachitha vishangavatha Doshitha .29.

Vishuka prana harana varahi veeerya nandhitha
Kameshwara mukaloka kalpitha sri Ganeshwara .30.

Mahaganesha nirbhinna vignayanthra praharshitha
Banda surendra nirmuktha sashtra prathyasthra varshani .31.

Karanguli nakhothpanna narayana dasakrithi
Maha pasupathasthragni nirdagdhasura sainika .32.

Kameshwarasthra nirdhagdha sabandasura sunyaka
Brhmopendra mahendradhi deva samsthutha vaibhava .33.

Hara nethragni sandhagdha kama sanjeevanoushadhi
Sri vagbhave koodaiga swaroopa mukha pankaja .34.

Kantatha kadi paryantha Madhya koodaiga swaroopini
Sakthi koodaiga thapanna Kadyatho bhaga dharini .35.

Moola manthrathmikha Moola kooda thraya kalebhara
Kulamruthaika rasika Kula sanketha palini .36.

Kulangana Kulanthastha Kaulini Kula yogini
Akula Samayanthastha Samayachara that para .37.

Moladharaika nilaya Brhama Grandhi Vibhedini
Mani poorantharudhitha Vishnu grandhi vibedhini .38.

Agna chakarantharalastha Rudra grandhi vibhedini
Sahararambhujarooda Sudha sarabhi varshini .39.

Thadillatha samaruchya Shad chakropari samshitha
Maha ssakthya Kundalini Bisa thanthu thaniyasi .40.

Bhavani Bhavana gamya Bhavarany kudariga
Bhadra priya Bhadra moorthy Bhaktha sowbhagya dhayini .41.

Bhakthi priya Bhakthi gamya Bhakthi vasya Bhayapaha
Sambhavya Saradharadya Sarvani Sarmadhayini .42.

Sankari Sreekari Sadhwi Sarat chandra nibhanana
Satho dhari Santhimathi Niradhara Niranjana .43.

Nirlepa Nirmala Nithya Nirakara Nirakula
Nirguna Nishkala Santha Nishkama Niruppallava .44.

Nithya muktha Nirvikara Nishprapancha Nirasray
Nithya shuddha Nithya bhuddha Niravadhya Nirantara .45.

Nishkarana Nishkalanka Nirupadhi Nireeswara
Neeraga Ragha madhani Nirmadha Madhanasini .46.

Nischintha Nirahankara Nirmoha Mohanasini
Nirmama Mamatha hanthri Nishpapa Papa nashini .47.

Nishkrodha Krodha–samani Nir Lobha Lobha nasini
Nissamsaya Samsayagni Nirbhava Bhava nasini .48.

Nirvikalpa Nirabhadha Nirbhedha Bhedha nasini
Nirnasa Mrityu madhani Nishkriya Nishparigraha .49.

Nisthula Neela chikura Nirapaya Nirathyaya
Dhurlabha Dhurgama Dhurga Dhuka hanthri Sukha prada .50.

Dushta doora Durachara samani Dosha varjitha
Sarvangna Saandra karuna Samanadhika varjitha .51.

Sarva shakthi mayi Sarva mangala Sadgathi prada
Sarveshwari Sarva mayi Sarva manthra swaroopini .52.

Sarva yanthrathmika Sarva thanthra roopa Manonmani
Maaheswari Mahaa devi Maha lakshmi Mrida priya .53.

Maha roopa Maha poojya Maha pathaka nasini
Maha maya Maha sathva Maha sakthi Maha rathi .54.

Maha bhoga Mahaiswarya Maha veerya Maha bala
Maha bhudhi Maha sidhi Maha Yogeswareswari .55.

Mahathanthra Mahamanthra Mahayanthra Mahasana
Maha yaga kramaradhya Maha bhairava poojitha .56.

Maheswara Mahakalpa Maha thandava sakshini
Maha kamesha mahishi Maha tripura sundari .57.

Chatustatyupacharadya Chathu sashti kala mayi
Maha Chathusashti kodi yogini gana sevitha .58.

Manu Vidya Chandra Vidya Chandra mandala Madhyaga
Charu Roopa Charu Hasa Charu Chandra Kaladhara .59.

Charachara Jagannatha Chakra Raja Nikethana
Parvathi Padma nayana Padma raga samaprabha .60.

Pancha prethasana seena Pancha brahma swaroopini
Chinmayi Paramananda Vignana Gana Roopini .61.

Dhyana Dhyathru dhyeya roopa Dharmadhrama vivarjitha
Viswa roopa Jagarini Swapanthi Thaijasathmika .62.

Suptha Prangnathmika Thurya Sarvavastha vivarjitha
Srishti karthri Brahma roopa Gopthri Govinda roopini .63.

Samharini Rudhra roopa Thirodhana kari Eeswari
Sadashivaa Anugrahada Pancha krithya parayana .64.

Bhanu mandala madhyastha Bhairavi Bhaga malini
Padmasana Bhagavathi Padmanabha sahodari .65.

Unmesha Nimishotpanna Vipanna Bhuvanavali
Sahasra seersha vadana Saharakshi Sahasra path .66.

Aabrahma keeda janani Varnashrama vidhayini
Nijangna roopa nigama Punyapunya phala pradha .67.

Sruthi seemantha kula sindhoori kritha padabjha dhooliga
Sakalagama sandoha shukthi samputa maukthika .68.

Purashartha pradha Poorna Bhogini Bhuvaneshwari
Ambika Anadhi nidhana Hari brahmendra sevitha .69.

Naarayani Naada roopa Nama roopa vivarjitha
Hrim kari Harimathi Hrudya Heyopadeya varjitha .70.

Raja rajarchitha Rakhini Ramya Rajeeva lochana
Ranjani Ramani Rasya Ranath kinkini mekhala .71.

Ramaa Raakendu vadana Rathi roopa Rathi priya
Rakshaa kari Rakshasagni Raamaa Ramana lampata .72.

Kaamya Kamakala roopa Kadambha kusuma priya
Kalyani Jagathi kandha Karuna rasa sagara .73.

Kalavathi Kalaalapa Kaantha Kadambari priya
Varadha Vama nayana Vaaruni madha vihwala .74.

Viswadhika Veda vedya Vindhyachala nivasini
Vidhatri Veda janani Vishnu maya Vilasini .75.

Kshetra swaroopa Kshetresi Kshethra kshethragna palini
Kshaya vridhi nirmuktha Kshetra pala samarchitha .76.

Vijaya Vimala Vandhya Vandharu jana vatsala
Vaag vadhini Vama kesi Vahni mandala vaasini .77.

Bhakthi mat kalpa lathika Pasu pasa vimochani
Samhrutha sesha pashanda Sadachara pravarthika .78.

Thapatryagni santhaptha samahladahna chandrika
Tharuni Thapasa aradhya Thanu Madhya Thamopaha .79.

Chithi Thatpada lakshyartha Chidekara swaroopini
Swathmananda lavi bhootha brahmadyanantha santhathi .80.

Paraa Prathyak chidi roopa Pasyanthi Para devatha
Madhyama Vaikhari roopa Bhaktha manasa hamsikha .81.

Kameshwara prana nadi Kruthagna Kama poojitha
Srungara rasa sampoorna Jayaa Jalandhara sthitha .82.

Odyana peeda nilaya Bindu mandala vaasini
Raho yoga kramaradhya Rahas tarpana tarpitha .83.

Sadya prasadini Viswa sakshini Sakshi varjitha
Shadanga devatha yuktha Shadgunya paripooritha .84.

Nithya klinna Nirupama Nirvanasukha dayini
Nithya Shodasika Roopa Sri Kandartha Sareerini .85.

Prabhavathi Prabha roopa Prasiddha Parameshwari
Moola prakrithi Avyaktha Vyktha Avyaktha swaroopini .86.

Vyapini Vividhakara Vidhya avidhya swaroopini
Maha kamesha nayana kumudahladha kaumudhi .87.

Bhaktha hardha thamo bedha bhanu mat bhanu santhathi
Shivadhoothi Shivaradhya Shiva moorthi Shivangari .88.

Shiva priya Shivapara Shishteshta Shishta poojitha
Aprameya Swaprakasha Mano vachama gochara .89.

Chitsakthi Chethana roopa Jada shakthi Jadathmikha
Gayathri Vyahruthi Sandhya Dwija brinda nishewitha .90.

Tatwasana Tat Twam Ayee Pancha kosandara sthitha
Nissema mahima Nithya youawana Madha shalini .91.

Madha goornitha rakthakshi Madha patala khandaboo
Chandana drava dhigdhangi Champeya kusuma priya .92.

Kusala Komalakara Kuru kulla Kuleshwari
Kula kundalaya Kaula marga that para sevitha .93.

Kumara gana nadambha Thushti Pushti Mathi Dhrithi
Santhi Swasthimathi Kanthi Nandhini Vigna nasini .94.

Tejowathi Trinayana Lolakshi-Kamaroopini
Malini Hamsini Matha Malayachala vasini .95.

Sumukhi Nalini Subru Shobhana Sura Nayika
Kala kanti Kanthi mathi Kshobhini Sukshma Roopini .96.

Vajreshwari Vamadevi Vayovastha vivarjitha
Sidheswari Sidha vidya Sidha matha Yasawini .97.

Vishudhichakra Nilaya Aarakthavarni Trilochana
Khadwangadhi prakarana Vadanaika samavidha .98.

Payasanna priya Twakstha Pasu loka Bhayamkari
Amruthathi maha sakthi samvrutha Dakineeswari .99.

Anahathabja nilaya Syamabha Vadanadwaya
Dhamshtrojwala Aksha maladhi dhara Rudhira samsthida .100.

Kala rathryadhi Shakthi youga vrudha Sniggdowdhana priya
Maha veerendra varadha Rakinyambha swaroopini .101.

Mani poorabja nilaya Vadana thraya samyudha
Vajradhikayudhopetha Damaryadhibhi ravrutha .102.

Raktha varna Mamsa nishta Gudanna preetha manasa
Samastha bhaktha sukhadha Lakinyambha swaroopini .103.

Swadhishtanambujagatha Chathur vakthra manohara
Sulayudha sampanna Peetha varna Adhi garvitha .104.

Medho nishta Madhu preetha Bhandinyadhi samanvidha
Dhadyanna saktha hridhaya Kakini roopa dharini .105.

Mooladrambujarooda Pancha vakthra Sthithi samsthitha
Ankusathi praharana Varadadhi nishevitha .106.

Mudgou danasaktha chittha Sakinyambha swaroopini
Agna chakrabja nilaya Shukla varna Shadanana .107.

Majja samstha Hamsavathi mukhya shakthi samanvitha
Hardrannaika rasika Hakini roopa dharini .108.

Sahasra dhala padhmastha Sarva varnopi shobitha
Sarvayudha dhara Shukla samsthitha Sarvathomukhi .109.

Sarvou dhana preetha chittha Yakinyambha swaroopini
Swaha Swadha Amathi Medha Sruthi Smrithi Anuthama .110.

Punya keerthi Punya labhya Punya sravana keerthana
Pulomajarchidha Bandha mochini Barbharalaka .111.

Vimarsa roopini Vidhya Viyadhadhi jagat prasu
Sarva vyadhi prasamani Sarva mrutyu nivarini .112.

Agraganya Achintya roopa Kali kalmasha nasini
Kathyayini Kala hanthri Kamalaksha nishevitha .113.

Thamboola pooritha mukhi Dhadimi kusuma prabha
Mrgakshi Mohini Mukhya Mridani Mithra roopini .114.

Nithya Truptha Bhaktha Nidhi Niyanthri Nikhileswari
Maitryadhi vasana Labhya Maha pralaya sakshini .115.

Para Shakthi Para Nishta Prgnana Gana Roopini
Madhvi pana lasaa Matha Mathruka Varna roopini .116.

Maha Kailasa nilaya Mrinala mrudhu dhorllatha
Mahaneeya Dhaya moorthi Maha samrajya shalini .117.

Atma vidhya Maha Vidhya Srividhya Kama sevitha
Sri Shodasakshari vidhya Trikoota Kama Kotika .118.

Kataksha kimkari bhootha kamala koti sevitha
Shira sthitha Chandra nibha Bhalastha Indra Dhanu Prabha .119.

Hridayastha Ravi pragya Tri konanthara deepika
Dakshayani Dhithya hanthri Daksha yagna vinasini .120.

Dharandholitha deergakshi Dharahasojwalanmukhi
Guru Moorthi Guna nidhi Gomatha Guhajanma bhoo .121.

Deveshi Dhanda neethistha Dhaharakasa roopini
Prathi panmukhya rakantha thidhi mandala poojitha .122.

Kalathmika Kala nadha Kavya labha vimodhini
Sachamara Rama vani Savya dhakshina sevitha .123.

Adishakthi Ameya Atma Parama Pavana krithi
Aneka koti Bramanda janani Divya Vigraha .124.

Klim karee Kevalaa Guhya Kaivalya Padha dhayini
Tripura Trijagat vandhya Trimurthi Tri daseswari .125.

Tryakshya Divya Gandhadya Sindhura thila kanchidha
Uma Sailendra Thanaya Gowri Gandharwa Sevitha .126.

Viswa Grabha Swarna Garbha Avaradha Vagadeeswaree
Dhyanagamya Aparichedya Gnadha Gnana Vigraha .127.

Sarva Vedhantha Samvedya Satyananda Swaroopini
Lopa mudrarchitha Leela kluptha brahmanda mandala .128.

Adurshya Drusya rahitha Vignathree Vedhya varjitha
Yogini Yogadha Yogya Yogananda Yugandhara .129.

Iccha shakthi-Gnana shakthi-Kriya Shakthi Swaroopini
Sarvaadhara Suprathishta Sada Sadroopa Dharini .130.

Ashta moorthy Aja jethree Loka yathra vidahyini
Ekakini Bhooma roopa Nirdwaitha Dwaitha varjitha .131.

Annadha Vasudha Vriddha Brhmatmykya Swaroopini
Brihathi Brahmani Brahmi Brahmananda Bali priya .132.

Bhasha roopa Brihat sena Bhavabhava vivarjitha
Sukharadhya Shubhakaree Shobhana sulabha gathi .133.

Raja Rajeswari Rajya Dhayini Rajya vallabha
Rajat krupa Raja peetha nivesitha nijasritha .134.

Rajya lakshmi Kosa natha Chathuranga baleswai
Samrajya Dhayini Sathya Sandha Sagara Mekhala .135.

Deekshitha Dhaitya Shamani Sarva loka vasam kari
Sarvartha Dhatri Savithri Sachidananda Roopini .136.

Desa kala parischinna Sarvaga Sarva mohini
Saraswathi Sasthra mayi Guhamba Guhya roopini .137.

Sarvo padhi vinirmuktha Sada Shiva pathi vritha
Sampradhayeshwari Sadhu Ee Guru mandala roopini .138.

Kulotheerna Bhagaradhya Maya Madhumathi Mahee
Ganamba Guhyakaradhya Komalangi Guru Priya .139.

Swathanthra Sarwa thanthresi Dakshina Moorthi Roopini
Sanakadhi Samaradhya Siva Gnana Pradhayini .140.

Chid kala Ananda Kalika Prema roopa Priyamkaree
Nama parayana preetha Nandhi Vidhya Nateshwaree .141.

Mithya Jagat athishtana Mukthida Mukthi roopini
Lasya priya Laya karee Lajja Rambha adhi vandhitha .142.

Bhava dhava sudha vrishti Paparanya dhavanala
Daurbhagya thoolavathoola Jaradwanthara viprabha .143.

Bhagyabdhi chandrika Bhaktha Chitta Keki Ganagana
Roga parvatha Dhambola Mrutyu Dharu Kudarika .144.

Maheswaree Maha kali Maha grasa Mahasana
Aparna Chandika Chanda mundasura nishoodhini .145.

Ksharaksharathmika Sarva lokesi Viswa Dharini
Thrivarga Dhathri Subhaga Thryambhaga Trigunathmika .146.

Swargapavargadha Shuddha Japapushpa nibhakrithi
Ojovathi Dhyuthidhara Yagna roopa Priyavrudha .147.

Dhuraradhya Dhuradharsha Patali kusuma priya
Mahathi Meru nilaya Mandhara kusuma priya .148.

Veeraradhya Virad Roopa Viraja Viswathomukhi
Prathyg roopa Parakasa Pranadha Prana roopini .149.

Marthanda Bhairavaradhya Manthrini nyashtha rajyadhoo
Tripuresi Jayatsena Nistrai gunya Parapara .150.

Satya gnananda roopa Samarasya parayana
Kapardhini Kalamala Kamadhukh Kama roopini .151.

Kala nidhi Kavya kala Rasagna Rasa sevadhi
Pushta Purathana Poojya Pushkara Pushkarekshana .152.

Paramjyothi Param dhama Paramanu Parath para
Pasa Hastha Pasa Hanthri Para manthra Vibhedini .153.

Moortha Amoortha Anithya thriptha Muni manasa hamsika
Satya vritha Sathya roopa Sarvantharyamini Sathee .154.

Brahmani Brahmaa Janani Bahu roopa Budharchitha
Prasavithri Prachanda Aagna Prathishta Prakata Krithi .155.

Praneshwari Prana Dhatri Panchast Peeta Roopini
Vishungala Vivikthastha Veera matha Viyat prasoo .156.

Mukundaa Mukthi Nilaya Moola Vigraha Roopini
Bavagna Bhava rokagni Bhava Chakra Pravarthani .157.

Chanda sara Sasthra sara Manthra sara Thalodharee
Udara keerthi Uddhhama vaibhava Varna roopini .158.

Janma mrutyu jara thaptha Jana Vishranthi dhayini
Sarvopanisha dhudh gushta Shantyathheetha kalathmika .159.

Gambheera Gagananthastha Garvitha Gana lolupa
Kalpana rahitha Kashta Akantha Kanthatha vigraha .160.

Karya karana nirmuktha Kama keli tharangitha
Kanath kanaka thadanga Leela vigraha dharini .161.

Ajha Kshaya nirmuktha Gubdha Ksipra prasadhini
Anthar mukha samaradhya Bahir mukha sudurlabha .162.

Thrayee Trivarga nilaya Thristha Tripura malini
Niramaya Niralamba Swatma rama Sudha sruthi .163.

Samsara panga nirmagna samuddharana panditha
Yagna priya Yagna karthree Yajamana swaroopini .164.

Dharma dhara Dhanadyaksha Dhanadhanya vivardhani
Vipra priya Vipra roopa Viswa brhamana karini .165.

Viswa grasa Vidhrumabha Vaishnavi Vishnu roopini
Ayoni Yoni nilaya Kootastha Kula roopini .166.

Veera goshti priya Veera Naish karmya Nadha roopini
Vignana kalana Kalya Vidhagdha Baindavasana .167.

Tathwadhika Tatwa mayee Tatwa Martha Swaroopini
Sama gana priya Soumya Sada Shiva kutumbini .168.

Savyapa savya margastha Sarva apadvi nivarini
Swastha Swabhava madura Dheera Dheera samarchida .169.

Chaithnyarkya samaradhya Chaitanya kusuma priya
Saddothitha Sadha thushta Tharunadithya patala .170.

Dakshina Daksinaradhya Dharasmera mukhambuja
Kaulini kevala Anargya kaivalya pada dhayini .171.

Stotra priya Sthuthi mathi Sthuthi samsthutha vaibhava
Manaswaini Manavathi Mahesi Mangala kruthi .172.

Viswa Matha Jagat Dhathri Visalakshi Viragini
Pragalbha Paramodhara Paramodha Manomayi .173.

Vyoma kesi Vimanastha Vajrini Vamakeshwaree
Pancha yagna priya Pancha pretha manchadhi sayini .174.

Panchami Pancha bhoothesi Pancha sankhyopacharini
Saswathi Saswathaiswarya Sarmadha Sambhu mohini .175.

Dhara Dharasutha Dhanya Dharmini Dharma vardhini
Loka theetha Guna theetha Sarvatheetha Samathmika .176.

Bhandhooka kusuma prakhya Bala Leela Vinodhini
Sumangali Sukha kari Suveshadya Suvasini .177.

Suvasinyarchana preetha AAshobhana Shuddha manasa
Bindhu tharpana santhushta Poorvaja Tripurambika .178.

Dasa mudhra samaradhya Thrpura sree vasankari
Gnana mudhra Gnana gamya Gnana gneya swaroopini .179.

Yoni mudhra Trikhandesi Triguna AmbaTrikonaga
Anaga Adbutha charithra Vanchithartha pradayini .180.

Abhyasathisaya gnatha Shaddwatheetha roopini
Avyaja karuna moorhy Agnana dwantha deepika .181.

Abala gopa vidhitha Sarvan Ullangya Sasana
Sri Chakra raja nilaya Sri Math Thripura Sundari .182.

Sri Shivaa Shiva Shakthaikya Roopini Lalithambika
Evam Srilalita devya Namnam Sahasrakam Jaguh .183.

 

History  

Belief

 

ADVERTISEMENT

ADVERTISEMENT

Start typing and press Enter to search

Vishnu Sahasranamam